चिनियाँ फुटबल संघ (सीएफए) ले हाल चीनमा फैलिरहेको कोभिड–१९ महामारीका कारण सन् २०२३ को एएफसी एसियन कप आयोजना गर्न नसक्ने एसियाली फुटबल महासंघ (एएफसी) लाई औपचारिक रूपमा जानकारी गराएको छ ।
जुन ५, २०१९ मा पेरिसमा भएको एएफसी साधारण कंग्रेसमा चीनलाई एएफसी एसियन कप २०२३ को आयोजना गर्ने अधिकार दिइएको थियो ।
२४ राष्ट्रहरु सहभागि हुने भनिको प्रतियोगिता आगामी जुन १६ देखि जुलाई १६ सम्म चीनका १० सहरमा आयोजना गर्ने तालिका रहेको थियो । प्रतियोगिताको लोगो समेत सार्वजनिक भइसकेको छ र गत वर्ष सांघाई पुडोङ फुटबल रंगशालामा लोगो सवर्वजनिक समेत गरिएको थियो ।
नेपालले पनि एएफसी एसियन कपको लागि तेस्रो चरणको छनोट खेल्ने तालिका छ । जसका लागि हाल नेपाली टोली बन्द प्रशिक्षणमा छ । छनोटको समूह ‘ए’ मा रहेको नेपालसँगै इन्डोनिया, जोर्डन र कुवेत छन् ।
